Поранешниот бразилски фудбалер Дани Алвес започна интересен бизнис откако по 14 месеци излезе од затвор и почна да им се враќа на нормалните животни активности.
Бразилецот беше пуштен на условна слобода на 25 март откако плати кауција од еден милион евра, а сега е подготвен за нови деловни потфати.
Алвес започна бизнис со кој ќе стане пионер на интернет, а станува збор за платформа наречена Voxtom со која се надева дека ќе стане милијардер и која директно се соочува со Tinder, Meta, X и другите гиганти во светот на социјалните мрежи.
„Дали некогаш сте замислиле да организирате и најдете секакви настани во една апликација? Со Voxtom имате целосна платформа за управување со сè, од мали прослави, како родендени, до големи настани, како што се концерти и фестивали. Сè што ви треба е овде, со практичност и ефикасност да се трансформира секој настан во неверојатно искуство“, се вели на веб-страницата на платформата.
Dani Alves recupera su vida montando este innovador negocio tras salir de la cárcel https://t.co/xjsGGIXEJ6
— okdiario.com (@okdiario) November 12, 2024
Оваа апликација сака да биде организатор на состаноци и беше лансирана со посебен фокус на бразилскиот пазар. Платформата веќе има 25.000 следбеници на Instagram и е особено фокусирана на собирање пријатели и организирање забави. Всушност, една од основните цели е да ги поврзе луѓето и да им олесни да се запознаат едни со други.
Алвес се надева дека ќе има повеќе среќа во овој бизнис отколку во претходните што ги започна, а кои беа поврзани со угостителството. Бразилецот претходно се испроба во кетеринг со рестораните Boteco Fogo и Alquimia Fogo, но набргу по отворањето беше принуден да ги затвори поради неликвидност.
Инаку, Бразилецот никогаш официјално не ја заврши кариерата, но јасно е дека завршил со играњето фудбал на највисоко ниво. Последниот ангажман му беше во мексиканскиот УНАМ, а претходно играше за Барселона, Саун Паулу, ПСЖ, Јувентус, Севиља и Баиа.
Најдлабока трага остави во Барселона со 408 настапи, а со 43 освоени трофеи во текот на кариерата е меѓу најтрофејните фудбалери на сите времиња. За репрезентацијата на Бразил има 126 настапи.
