Поранешниот бразилски фудбалер Дани Алвес извесно време е на условен отпуст откако плати еден милион евра за да излезе од затворот во Барселона, а сега за прв пат е снимен на фудбалски терен.
Откако помина 14 месеци во затвор во Барселона поради сексуален напад, Дани Алвес беше пуштен на условна слобода на 25 март и оттогаш се обидува да се врати на нормалните животни активности.
За прв пат по ослободувањето, тој беше забележан во неговото „природно живеалиште“ - фудбалското игралиште.
Имено, Алвес рекреативно играше фудбал во Барселона, а тоа го направил преку специјална апликација која се користи за пронаоѓање играчи и противници без да се знае идентитетот на другите.
Алвес се појавил во дресот на Бока Жуниорс, а очекувано набрзо го препознале многу присутни, по што настанало и видеото.
— seguir a @juegosimple__ (@ssvideos8) September 4, 2024
Инаку, 41-годишниот Бразилец никогаш официјално не ја заврши кариерата, но јасно е дека заврши со фудбалот на највисоко ниво. Неговиот последен ангажман беше во мексикански УНАМ, а претходно играше за Барселона, Саун Паулу, ПСЖ, Јувентус, Севиља и Баиа.
Најдлабока трага остави во Барселона со 408 настапи, а со 43 освоени трофеи во текот на кариерата е меѓу најтрофејните фудбалери на сите времиња. За репрезентацијата на Бразил има 126 настапи и 8 голови, а двапати ја освои Копа Америка (2007, 2019).
