Дански студент по археологија пронашол викиншки сребрен накит, поточно вкупно 7 ретки алки.
Густав Брунсгор (22) со детектор за метал истражувал историска област на Викинзите кога пронашол непроценливо богатство, сребрен накит од раното викиншко време.
Музејот „Моесгор“, кој се наоѓа јужно од Архус, поранешна викиншка населба, издаде соопштение во кое го потврди откривањето на 7 сребрени нараквици од ерата на Викинзите во поле во близина на Елстед. Претходните ископувања на овој простор утврдиле траги од викиншки населби.
Познато е дека Викинзите го користеле среброто како валута позната како хаксилвер, која се користела за плаќања и трансакции. Нараквиците тешки повеќе од половина килограм не биле само украс, туку и ја покажувале финансиската состојба на сопственикот.
„Овие нараквици биле прилагодени на заедничкиот систем за тежина, така што вредноста на поединечните прстени може лесно да се одреди“, наведува Live Science.
Сребрените нараквици, односно прстените за рака, вределе значителна сума на пари и датираат од раното викиншко време помеѓу 793 и 1066 година и потекнуваат од Скандинавија. Веќе се пронајдени докази за викиншки населби од 700 година.
Покрај нивната значајна вредност, дизајнот на нараквиците дополнително го поддржува добро познатото разбирање дека Архус бил важен трговски центар со меѓународни врски.
Иако е произведена во Данска, една потекнува од Русија или Украина, но е интегрирана во естетиката на Викинзите, се вели во соопштението на музејот.
Слично на тоа, три нараквици со жиг од Јужна Скандинавија инспирирале изработка на накит во Ирска. Три мазни, неукрасени нараквици потекнуваат од Скандинавија и Англија.
„Богатството пронајдено на фармата во Елстед е многу интересно откритие од времето на Викинзите, кое ги поврзува Архус со Русија и Украина на исток и Британските Острови на запад. На овој начин, откритието нагласува дека Архус бил центар на светот на Викинзите, кои патувале сè до северниот дел на Атлантикот и до Азија“, рече Каспер Х. Андерсен, историчар на Музејот на „Моесгор“.
Сепак, сребреното богатство има уште поголемо значење, како Викинзите да имаат порака што сакале да ја споделат со современиот свет.
Сребрениот накит и артефактите како овие им помогнаа на експертите да ги следат трговските патишта меѓу Европа и светот во целина, вклучително и Исламската Империја и цела Афро-Евроазија. Открија некои од најспектакуларните епизоди на предмодерното глобално поврзување. Сребрената валута директно одговара на комерцијалниот систем, кој напредувал благодарение на соработката и финансиската и културната размена.
