Некој обожавател на Star Wars со дебела банкарска сметка ќе може да се усреќи следната недела, кога ќе биде ставена на аукција златна Дарт Вејдер маска.
Јапонската златарница Tanaka Kikinzoku вчера ја откри скулптурата тешка 15 килограми изработена од 24-каратно злато, нарачана за 40-годишнината на Star Wars.
Маската ќе биде ставена на продажба на 4 мај (многу јасно!) со почетна цена од 1,4 милиони долари.
Златарницата исто така ќе понуди на продажба златници изработени по повод годишнината по цена од 1.200 до 11.000 долари.