Ден откако Манчестер Сити ја победи Борусија со 2:1 во првиот натпревар од четвртфиналето во Лигата на шампионите, навивачите на англискиот клуб добија уште една добра вест.
Кевин Де Брујне го продолжи договорот за уште две години и ќе остане на „Етихад“ до 2025 година. Клубот малку ќе ја зголеми неговата плата, па отсега ќе заработуваат 18,5 милиони евра по сезона, што е за околу милион и пол повеќе од порано.
„Уште кога дојдов во Сити, овде се чувствував како дома. Ги сакам навивачите, моето семејство ужива во Манчестер и напредував овде како играч. Не размислував долго за оваа одлука. Јас сум сигурен дека најдоброто допрва доаѓа, а одлично работам и со Пеп. Размислуваме за фудбалот на ист начин“, изјави Белгиецот.
Со новиот договор, Де Брујне станува третиот најплатен играч во Премиер лигата зад Давид Де Хеа и Пјер-Емерик Обамејанг.