Вината за убедливиот пораз на Манчестер Јунајтед вчера против Брентфорд ја презеде голманот Давид де Хеа.
Манчестер Јунајтед синоќа загуби од Брентфорд во 2. коло од Премиер лигата со понижувачки 0:4, резултат кој беше поставен уште по првите 45 минути.
„Ја преземам одговорноста. Го чинам мојот тим 3 бода. Лошо издание од моја страна. По првата грешка, а потоа и втората, на моите соиграчи им беше многу тешко. Сега е тешко секогаш кога ќе примиме гол. Морав да го одбранам првиот удар. Да го направев тоа, резултатот ќе беше поинаков“, изјави голманот на Манчестер Јунајтед.
Еден од најтрофејните англиски клубови сезоната ја почна со два пораза на две средби и ги разочара своите навивачи.