Де Хеа се договори со Фиорентина

Шпанскиот голман Давид де Хеа потпиша едногодишен договор со Фиорентина, соопштија од клубот од стадионот „Артемио Франки“.

Де Хеа беше без клуб откако се раздели со Манчестер Јунајтед по истекот на договорот летото 2023 година. По една година пауза шпанскиот голман конечно му се враќа на фудбалот.

Помина 12 години на „Олд Трафорд“, а претходно играше за Атлетико. Во дресот на Манчестер Јунајтед настапи на 545 натпревари, а на 190 меча ја сочува мрежата.

Беше важен дел од англискиот гигант за време на неговиот престој во Британија, а по освојувањето на Премиер лигата, два Суперкупа на УЕФА, две Лиги на Европа, ФА Купот и два Лига купа, си замина бидејќи менаџерот Ерик тен Хаг сакаше голман кој знае да игра со нога.

Овој 33-годишен играч претходно одби бројни понуди од својата татковина, Саудиска Арабија, Франција и некои други европски клубови пред да ја избере посакуваната опција и да дојде во Фиренца.