Сопственикот на Amazon, Џеф Безос е првиот човек во историјата со богатство од повеќе од 200 милијарди долари.
Според индексот на милијардери на Bloomberg, Безос сега има 202 милијарди американски долари, што го прави 78 милијарди долари побогат од Бил Гејтс, ко-основач на Microsoft и втор на листата на најбогати луѓе во светот.
Богатството на Џеф Безос во најголем дел се должи на уделот во акциите на компанијата, чија цена постојано растеше во изминатите години, особено во последните две години, пренесува Bloomberg.
Во 2018 година, тој стана најбогат човек во современата историја, а неговото богатство тогаш се проценуваше на 150 милијарди долари.
Акциите на Amazon достигнаа највисоко ниво на финансискиот пазар во април годинава, кога компанијата заработи стотици милијарди долари, а инвеститорите остварија профит од 86 проценти на инвестиции во компанијата на Безос.
Amazon вреди 1,7 илјади милијарди американски долари и стана втората највредна американска компанија по Apple.