Хосе Анхел Чучо Зиганда, тренерот на Билбао, вели дека Јерај Алварез уште еднаш го победил ракот.
На 22-годишниот стопер во 2016 година му беше дијагностициран рак на тестисите, за после серија на третмани и операции повторно да добие дозвола да заигра.
Меѓутоа, оваа болест повторно му се врати кон средината на јуни, што доведе до нови хемотерапии во месеците кои следеа.
Последните неколку недели започна со посебни тренинзи, а тренерот на Баскијците на новинарите и ја соопшти прекрасната вест.
„Неговиот организам реагираше на терапијата и сите сме воодушевени поради тоа. Се чини дека ќелиите на рак повеќе ги нема. Секако, оваа вест ни е поважна од се друго“, изјави популарниот Чучо.
Во соопштението на клубот стои дека е само прашање на време кога играчот ќе добие „зелено светло“ за повторно да заигра на највисоко ниво.