Бен Афлек и Џенифер Лопес наводно се разведуваат, а како што истакнуваат американските медиуми, актерот веќе се иселил од нивниот заеднички дом.
Како што наведува, еден од проблемите е различниот пристап и начинот на кој се справуваат со славата. Лопес привлекува медиумско внимание, додека Бен бега од лупата на јавноста.
„Готово е“, изјави извор близок до двојката, додавајќи: „Правец – развод, и за прв пат, Бен не е виновникот!“, тврди изворот.
„Тој сега се фокусира на својата работа и на своите деца. Бен веќе се исели, и тие најверојатно ќе мора да ја продадат куќата од соништата по која трагаа две години“, вели инсајдерот. „Никогаш нема да престанат да се сакаат, но таа не може да го контролира, а тој не може да ја смени. Немаше шанси тоа да трае“.
Двајцата во последно време поминува многу време разделени. Исто така, актерот не присуствуваше на Мет Гала со неговата сопруга и покрај нејзината улога на водителка на настанот.
Популарната двојка првпат започна да се забавува на почетокот на 2000-тите, а само неколку дена пред да се венчаат, ја прекинаа врската.
Тие останаа заедно до јануари 2004 година, а потоа дојде конечниот крај. На помирување чекаа речиси 20 години, па тоа го направија во 2021 година, а конечно се венчаа во јуни 2022 година.
