Останати спортови

Дејан Недев најдобар македонски каратист за 2019 година

5. февруари 2020 - 14:43 | МИА

Македонската традиционална карате федерација денеска ги избра најдобрите каратисти за 2019 година. Кај сениорите наградата за најуспешен каратист отиде кај Дејан Недев, кај сениорките за Јадранка Недева.

Најдобар клуб е Работнички кој годинава слави јубилеј 50 години постоење, додека најдобар клуб во младинска конкуренција е Шихан од Струмица.

Најдобар тренер кај сениорите е Венцислав Недев. Најдобар тренер во младински категории е Атанас Василев.

Во конкуренција на младинци/јуниори првото место им припадна на Самет Еседов и Мила Саздова.

Најдобар кадет е Ведран Андоновски, а кадетка Антонија Белазелкоска.

Награди им беа доделени и на најмалите категории во двете конкуренции.

МТКФ за придонес и развој на овој спорт во нашата држава им додели признанија и плакети на: КК Работнички, Даниел Димевски од Владата на РСМ, Владимир Богоевски и Сашо Поповски од МОК, новинарот Зоран Михајлов, ветеранот Ристо Сакалиев и на македонските судии во традиционалното карате Ѓоко Томовски, Антонио Зврцинов, Сашо Спасовски, Љупчо Миленковски, Бојан Богдановски и Берта Милевска.

Коментирај