Легендарниот актер Џејмс Ерл Џоунс најави дека повеќе нема да го позајмува својот глас на легендарниот лик Дарт Вејдер од „Star Wars“.
Иако актерот никогаш физички не се има појавено во „Star Wars“, тој го позајми гласот на Дарт Вејдер уште во 1977 година. Џоунс официјално одлучи дека ќе се пензионира за Вејдер, но тоа не значи дека е сменет.
Неговиот глас ќе продолжи да живее во Дарт Вејдер преку вештачка интелигенција. Украинскиот стартап Respeecher ќе користи архивски снимки и алгоритам на вештачка интелигенција за повторно да го создаде гласот на Џоунс за идните проекти за „Star Wars“.
Последното „појавување“ на Џоунс како Вејдер беше во мини серијата „Obi-Wan Kenobi“.