Џејсон Момоа ги изненади фановите појавувајќи се во замрзнувач полн со вода и мраз, што го сподели на својот Instagram профил, а се работи за третман со мраз наречен криотерапија, кој се користи за опоравување после тренинг.
Актерот од „Aquaman“ беше подложен на криотерапија, која спортистите вообичаено ја користат за ублажување болки.
Додека за криотерапија има посебни комори, Момоа успеа да го искористи големиот замрзнувач за гореспоменатиот третман и закрепнување после тренинг.
Во видеото објавено на Instagram, пријателот на актерот го покажа рачниот часовник и откри дека шест минути бил во замрзнувач.
„Ова е четврти ден од тренингот“, рече ѕвездата од „Aquaman“.
Криотерапијата е примена на студ (мраз) во физикална медицина и рехабилитација.
Студот делува на крвните садови со тоа што ги стеснува, по што тие нагло се шират со силен наплив на крв. На овој начин се подобрува циркулацијата на крвта во областа која се лекува, што резултира со намалување на воспалението и болката.
Додека многу спортисти го користат за опоравување, Кристијано Роналдо привлече посебно внимание на овој третман откако кога се пресели на нова локација со себе „понесе“ комора за споменатиот третман вредна 50.000 фунти.