Ентони Дејвис ноќеска дебитираше за Далас Маверикс и веднаш го предводеше својот нов тим до победа.
Далас на домашен терен го совлада Хјустон Рокитс со 116:105, а Дејвис брилираше и веќе ги натера навивачите на Маверикс да го преболат заминувањето на Лука Дончиќ во Лос Анџелес Лејкерс.
Дејвис натпреварот го заврши со 26 поени, 16 скокови и 7 асистенции и со тоа покажа дека ќе биде достојна замена за Словенецот кој со години ја носеше играта на Далас на свој грб.
Поранешната ѕвезда на Лејкерс не ја одигра последната четвртина поради повреда, а наскоро треба да се знае дали ќе бара пауза.
Алперен Шенѓун постигна 30 поени и забележа 8 скока за Хјустон.
Денвер Нагетс славеше со 122:105 на гости кај Феникс Санс, а Никола Јокиќ беше на прагот на уште еден трипл-дабл.
Брилијантниот српски центар го заврши натпреварот со 26 поени, 11 скокови и 9 асистенции, а сигурно можеше да постигне и трипл-дабл доколку не седеше на клупата во последната четвртина од натпреварот.
Резултати:
Далас Маверикс - Хјустон Рокитс 116:105
Лос Анџелес Лејкерс - Индијана Пејсерс 124:117
Орландо Меџик - Сан Антонио Спарс 112:111
Вашингтон Визардс - Атланта Хокс 111:125
Чикаго Булс - Голден Стејт Вориорс 111:132
Мемфис Гризлис - Оклахома Сити Тандер 112:125
Минесота Тимбервулвс - Портланд Треил Блејзерс 114:98
Њујорк Никс - Бостон Селтикс 104:131
Феникс Санс - Денвер Нагетс 105:122
Сакраменто Кингс - Њу Орлеанс Пеликанс 123:118
Лос Анџелес Клиперс - Јута Џез 130:110
Табела:
