Англиската актерка Дејзи Ридли во интервјуто кое го даде за Rolling Stone, изјави дека не сака да ја игра улогата на Реј во „Star Wars“ франшизата по завршувањето на „Episode IX“.
Сепак, таа не рече дека дефинитивно нема да се врати во улогата на симпатичната Реј.
Во новото интервју со Rolling Stone, Ридли одлучно кажа дека не сака да се најде во улогата на Реј по снимањето на „Star Wars: Episode IX“.
„Кога бев на кастингот, не знаев ни за што се работи. Но сега, со снимените два филма и третиот кој е на пат, сметам дека е време да се заврши приказната за Реј. Очекував трилогија и токму тоа го добив, па затоа е најдобро тука да се заокружи оваа авантура“, рече Ридли.
Во истото интервју, режисерот на „Star Wars: Episode IX“ рече дека овој филм треба да ја заврши сагата на семејството Скајвокер, но дека не е сигурен каде води иднината на оваа франшиза.
„Star Wars: Episode IX“ почнува да се снима наредната година, а датумот за неговата премиера се очекува да биде 20 декември 2019 година.