Аргентинскиот тенисер Хуан Мартин Дел Потро синоќа успеа да го совлада „непобедливиот“ Роџер Федерер, и на тој начин да го освои Мастерс турнирот во Индијан Велс.
Дел Потро во одличен натпревар после два пресврти го совлада Федерер со резултат од 6:4, 6:7, 7:6.
Аргентинецот на тој начин го победи Швајцарецот, после 17 победи по ред на моментално првиот тенисер на светот.
За Дел Потро ова беше втор трофеј во сезоната, што му се случува прв пат после пет години.
Аргентинецот воедно го освои и својот прв Мастерс во кариерата и прв голем турнир уште од УС Опен пред девет години.
Инаку, синоќашното финале го одбележа голема нервоза и кај двајцата тенисери, пред се поради непристојната публика, која константно правеше бучава помеѓу поените.
