Јубилејното 55-то издание на Супербоул се игра в недела, а еден делфин од Флорида го даде своето предвидување за овогодинешниот победник.
Ник е делфин кој живее во „Клирвотер“ морскиот аквариум во Флорида. Тој доби задача да го предвиди победникот на настанот кој е веројатно најгледан спортски натпревар во САД.
Оваа сезона за место во финалето се изборија тимовите на Канзас Сити Чифс како победник на АФЦ и Тампа Беј Баканирс, шампион на НФЦ. Натпреварот ќе се игра на „Рејмонд Џејмс“ стадионот во Тампа, Флорида, кој е со капацитет од 65.618 гледачи, но поради пандемијата дозволено ќе биде присуство на 25.000.
В недела вечер после полноќ, односно понеделник по македонско време во 00:30 часот, ќе видиме дали делфинот Ник го погоди победникот.
