Сцена

Деми Ловато прослави пет години без дрога

20. март 2017 - 11:09 | А.С.

Популарната пејачка никогаш не ја одбегнувала приказната за нејзините бурни и проблематични тинејџерски години и проблемите со дрога, депресија, пореметувања на исхраната и самоповредување.

Деми Ловато гордо се пофали дека пет години апстинира од користење дрога преку објава на Instagram.

„Многу сум благодарна. Тоа беше патување со многу искачувања и падови. Толку пати сакав да се вратам, но го молев бога да ме ослободи од опсесијата. Многу се гордеам со себе, но тоа немаше да можам да го постинам без виша сила, без моето семејство, пријателите и сите кои ме поддржуваа. Понизна сум и радосна. Ви благодарам што бевте со мене и што верувавте во мене“, напиша Ловато.

Во 2010 година пејачката се пријави на тримесечна рехабилитација.

Откако ѝ беше дијагностицирано биполарно пореметување, Ловато често зборуваше за тоа колку е важно менталното здравје.

Годишнината од апстиненцијата ја прослави со донирање пари во добротворни цели.

Коментирај