Денеска е Меѓународниот ден на жените возачи: Кои се најголемите проблеми со кои се соочуваат?

Денеска, 24 јуни, се слави како Меѓународен ден на жените возачи. По тој повод, жирито за изборот на Светски автомобил на годината, составено од 77 автомобилски новинарки од 53 земји во светот (WWCOTY), укажа на еден од најголемите проблеми на денешницата кога зборуваме за возењето.

Според неодамнешното истражување спроведено со помош на жирито за Women's Worldwide Car Of The Year (WWCOTY), вкупно 78 проценти од женските возачи сметаат дека агресијата на патиштата е сериозен проблем. Во истражувањето учествуваа околу 1.500 женски возачи од 20 земји ширум светот (Австралија, Австрија, Белгија, Колумбија, Чешка, Данска, Естонија, Финска, Франција, Германија, Индија, Италија, Нов Зеланд, Пакистан, Полска, Србија, Шпанија, Швајцарија, ОК и САД).

Истражувањето иницирано од член на жирито на WWCOTY од Чешка, Сабина Квашова, уредничка на списанието и веб-порталот Zenavaute.cz, покажа дека 78 отсто од женските возачи сметаат дека агресијата на пат е сериозен проблем и 69 отсто од нив сметаат дека е во пораст агресивното однесување на патот.

„Користејќи прашалник, анализиравме како се чувствуваат женските возачи, од што се плашат, како се однесуваат зад воланот и на патиштата“, вели Сабина Квашова.

Од што се плашат жените возачи додека возат?

Според студијата, постојат три главни теми кои ги загрижуваат жените возачи, а тоа се агресивните возачи (22 проценти), сообраќајните несреќи (20 проценти) и возењето со намалена видливост (20 проценти). Потоа следуваат лизгање на возилото (13 проценти) и судир со животни (9 проценти). Од друга страна, 16 проценти од женските возачи не се плашат од ништо.

Интересно е да се погледнат одговорите кои се разликуваат од земја до земја. На пример, агресивните возачи се најмногу наведувани од учесниците во истражувањето од САД (82 отсто), Шпанија (31 отсто) и Полска (38 отсто) како нивна главна грижа додека возат.

Сообраќајните несреќи како главен страв се претставени во одговорите од Италија (51 отсто), Полска (35 отсто) и Германија (31 отсто).

Возењето при намалена видливост е загрижувачко главно кај женските возачи од Велика Британија (52 проценти), Германија (50 проценти) и Полска (20 проценти).

„Повеќето жени возачи во светот, околу 55 отсто, спорадично наидуваат на агресивно однесување на патот, 25 отсто од нив секојдневно се соочуваат со агресивно однесување, а 20 отсто неколку пати неделно“, посочува организаторката на ова истражување и членка на жирито на WWCOTY, Квашова.

Што предлагаат жените возачи?

На прашањето кои мерки треба да се преземат против агресивните возачи, жените возачи ширум светот генерално предлагаат построги казни (45 проценти), програма за специјализирана психолошка терапија (27 проценти), подетална обука за идните возачи (20 проценти) и превентивни кампањи ( 8 проценти).

Гледајќи ги поединечните земји, строгите казни против агресивните возачи во најголема мера се поддржани од женските возачи во Данска и Србија а потоа следат САД и Италија.

Обврската да се помине низ програма за специјализирана психолошка терапија за возачите и последователна психолошка проценка на менталните способности на возачот, исто така, има силна поддршка во Данска и Србија (97%), САД (54%) и во Полска и Колумбија (50 %).

Идните возачи мора да бидат свесни за ризиците поврзани со агресијата на патиштата за време на нивната обука, а предложената мерка е поддржана од Велика Британија (43 проценти), Италија (42 проценти), Шпанија (30 проценти). Превентивните кампањи за опасностите од агресија најмногу се споменуваат во одговорите на испитаниците од САД (45 проценти), Полска (37 проценти) и Германија (24 проценти).

Зошто е важно жените да возат?

Со ова истражување, жирито за WWCOTY има за цел да ја објави перспективата на жените возачи во однос на однесувањето во возењето. Меѓународниот ден на жените возачи, ден кој ја брани мобилноста како неотуѓиво право што придонесува за слободата, достоинството и личниот и професионалниот развој на жените, е совршена можност да се истакне оваа анкета.

Возењето ја отвора вратата за независност за милиони жени ширум светот во потрага по подобра иднина, постигнување поправедни услови за живот и следење на нивната страст за мотоспортот.

Денес, жените влијаат на повеќе од 80 проценти од купувањето автомобили во напредните земји. Оваа бројка ќе продолжи да расте во наредните години.

„Процентот на млади студентки веќе е зголемен во развиените земји. Паритет во платите станува остварлива цел, одборите на директори веќе не се составени исклучиво од мажи и не е невообичаено да се видат сè повеќе женски имиња на листите на најбогатите луѓе во светот“, вели Марта Гарсија, извршна претседателка на жирито на WWCOTY.

Меѓународниот ден на жените возачи, исто така, ја слави зголемената важност жените да ги искажуваат своите мислења и искуства за автомобилите на социјалните мрежи. Бројот на жени на глобално ниво на Instagram е 53,6 отсто, Facebook 44 отсто, LinkedIN 43,7 отсто и TikTok 49,2 отсто.

За жените, не се работи само за перформансите и безбедноста на возилото, туку за многумина е и за спас на планетата преку еколошка свест, без губење на правото на слобода да доаѓаат и одат каде и кога сакаат.

Меѓународниот ден на жените возачи е причина за размислување. Многу жени сè уште чувствуваат дека нивните партнери внимателно ги следат кога возат, потоа го користат само вториот семеен автомобил или чувствуваат мала поддршка во светот на мотоспортот. Затоа одбележувањето на Меѓународниот ден на жените возачи, иницијатива промовирана од WWCOTY, е поважно од кога било.

Тагови
реклама

Авто новости

Голем пад на Tesla во САД

Read more

Audi повеќе не произведува кабрио и купе модели

Read more

Panamera Turbo S E-Hybrid и Panamera GTS: динамичен врв

Read more

Кога електричните автомобили ќе се доближат по цена до бензинците?

Read more
 

Автомобили

Голем пад на Tesla во САД

Читај повеќе

Audi повеќе не произведува кабрио и купе модели

Читај повеќе

Panamera Turbo S E-Hybrid и Panamera GTS: динамичен врв

Читај повеќе
  • filter

Lanzante го претвори Porsche 935 во чудовиште легално за патиштата

Читај повеќе

Кога електричните автомобили ќе се доближат по цена до бензинците?

Читај повеќе

Audi денес го претставува A5, откриени првите детали

Читај повеќе
  • play_arrow
  • filter

Хиперавтомобилот Red Bull RB17 развива повеќе од 1.200 КС

Читај повеќе
  • play_arrow

Кои се победниците и губитниците на Euro NCAP креш тестот?

Читај повеќе
  • play_arrow
  • filter

Топ 10 најбрзи автомобили во светот

Читај повеќе