Ако денеска се чувствувате посебно нерасположено и немате мотивација, не грижете се. Причина за тоа е, како што велат научниците, феномен познат како „тажен понеделник“, односно најдепресивниот ден во годината.
„Тажниот понеделник“ го дефинираше психологот Клиф Арнал.
Со примена на формулата [W + (D-d)] x Tq ÷ [M x Na], во која W ги претставува временските услови, D долг, d месечна заработка, T периодот после Божик, Q времето после нашите пропаднати обиди нешто да направиме, M ниско ниво на мотивација, а NA потреба за преземање на акција, тој заклучил дека третиот понеделник во јануари е најдепресивниот ден во неделата.
Според статистиките, јануари е месец во кој најмногу луѓе се разведуваат и месец во кој на Твитер се објавуваат најмногу негативни пораки.
Многумина, меѓутоа, не веруваат во овој феномен.
Професорката Јоланта Берк од Универзитет во Лондон, смета дека „тажниот понеделник“ е депресивен ден само поради верувањето во такво нешто.
„Мислејќи дека денеска е најлошиот ден во годината, посветуваме повеќе внимание на негативните работи околу нас. Ако е тоа ден кој негативно ќе влијае на вашето размислување, емоции и однесување, искористете ги предностите и претворете го во среќен ден. Наместо да им давате значење на лошите работи, бидете свесни за добрите работи кои се случуваат околу вас“, вели Бурк.