Комичарите од Импров Група денеска со своите импровизирани досетки ќе ја збогатат програмата на Град Скопје со која на граѓаните во полициски час им се нуди занимација.
Импровизацијата е создавање нешто спонтано или создавање од нешто што е достапно во околината. Заснован на игри за импровизација, адаптирани да се играаат пред публика, Импров Настап е комична, непосредна, но комплексно структуирана театарска претстава, обврзана да критикува, демистифицира и образува, оградувајќи се од вулгарност и прост подбив.
Настапот на Импров Група е со почеток од 19 часот. Потоа од 20 часот следува едночасовен концерт на музичката група DAY OFF - The Next Generation на улицата „Шидска“ во населбата Ѓорче Петров. Денешната програма ќе заврши со изведба на претставата „Дневникот на лудиот“ од страна на актерот Бобан Алекоски со почеток во 21 часот.
Двата настапа ќе бидат прикажани на Facebook страницата на Град Скопје, како и нивниот Youtube канал.