Актерката Џенифер Анистон неодамна откри дека престанала да се дружи со неколку луѓе со кои инаку се гледала секоја недела, поради нивниот став кон вакцинацијата против COVID-19.
„Сѐ уште има голема група луѓе кои се антиваксери или едноставно не ги слушаат фактите. Штета, навистина“, изјави Анистон за InStyle.
„Само што исклучив неколку луѓе од мојата неделна рутина, луѓе кои одбиваат да се вакцинираат или не кажуваат дали се вакцинирале или не“, додаде таа во интервјуто.
Актерката тврди дека секој има право на свое мислење, но дека многу мислења се базираат на страв или пропаганда.
„Сметам дека е наша морална и професионална обврска да ги известиме другите луѓе дали имаме заштита од корона, бидејќи не можеме сите да се тестираме секој ден. Затоа сметам дека со причина се ослободив од неколку пријатели“, рече Анистон.
Од почетокот на пандемијата, актерката се залагаше да се држи растојание и се носат маски.