Денис Квејд и неговата 39 години помлада девојка Лора Савоа се венчаа на тајна церемонија на почетокот на месецов. За него, ова е четврти брак, а венчавката ja потврди за People.
– Беше убаво. Додека гледав во нејзините очи, сфатив дека таа е најубавата невеста. Сум бил во брак трипати, но сега сум сигурен дека ова е она вистинското. Чувствувам дека ја најдов вистинската жена во мојот живот, рече глумецот.
Свадбата првично беше планирана за април на Хаваи, со голем број гости, но свеченоста беше одложена поради ситуацијата со коронавирусот.
Конечно, Квејд (66) и Савоа месецов си ги разменија бурмите. Инаку, новата невеста е помлада и од неговиот 28-годишен син.
– Не барав толкава разлика во годините, односно некоја многу помлада од мене. Ја запознав на деловен настан и врската постепено се развиваше. Не можете да одлучите во кого ќе се вљубите. А, и јас не се вљубувам лесно, изјави Квејд.