Капитенот на македонската фудбалска репрезентација Горан Пандев остана на клупата за резервни играчи во синоќешното драматично реми од 1:1 на Џеноа на гостувањето кај Фиорентина.
Џеноа беше на чекор до прв триумф во италијанското првенство од крајот на септември благодарение на голот на Хрватот Марко Пјаца во 89. минута, но радоста на тимот на Пандев ја ускрати српскиот репрезентативец Никола Миленковиќ длабоко во судиското продолжение (90+8).
По десет одиграни кола во Серија А, Џеноа е на претпоследното 19. место со 6 бодови, а во следното коло го пречекува актуелниот првак Јувентус.