Коби Брајант освои сè што можеше да се освои во неговата кариера, постави безброј рекорди и со својата игра стана пример за многумина со кошаркарска топка во рака.
Сè направено од 1996 до 2016 година, ги сведува голите бројки на пет НБА титули, две MVP титули во НБА финале, една за MVP во основниот дел од сезоната, четири такви титули на Ол-Стар натпревари, на кои учествувал 18 пати, два титули најдобар стрелец во лигата и многу повеќе.
Она што овие бројки нема да го откријат е цела низа спектакуларни потези што ќе останат запаметени. Поени во последната секунда, тројки за победа, забивања на најдобрите одбранбени играчи во лигата, но и потегот со кој докажа дека не знае за страв.
Тој потег на Мет Барнс се случи за време на натпреварот помеѓу Лос Анџелес Лејкерс и Орландо Меџик, кој беше полн со конфликти меѓу нив двајцата. Барнс направи движење небаре ќе го удри Коби со топката по главата, веројатно очекувајќи реакција од еден од најдобрите кошаркари на сите времиња.
Реакција немаше. Коби продолжи да ја префрла тежината од едната на другата нога, мирно џвакајќи мастика, без „мува да го полази“, без најмала индикација за страв.