Од Град Скопје денеска известија дека во текот на наредните неколку дена ќе се прска против комарци, обавувајќи го и планот за прскање.
Авионската дезинсекција против комарци на подрачјето на главниот град ќе се врши на 15.07.2021 година (четврток) и на 16.07.2021 година (петок), во раните утрински часови.
Терестричната дезинсекција против комарци на подрачјето на македонската метропола ќе се одвива од 18.07.2021 година (недела) до 22.07.2021 година (четврток), во периодот од 22 до 3 часот, наредниот ден.
Доколку временските услови не дозволуваат да се прска, авионската дезинсекција ќе се изврши првиот нареден ден, кога временските услови ќе бидат поволни, во истиот термин.
„Се известуваат пчеларите навреме да ги преземат потребните мерки за заштита на пчелите“, порачуваат од Град Скопје.
