Двојниот оскаровец Дензел Вашингтон повторно се здружува со Антоан Фуква, со кого работеше на Training Day и The Equalizer.
Овојпат, талентираното дуо ќе работи на сè уште ненасловен историски еп на Netflix, во кој Вашингтон ќе го глуми војсководецот Ханибал, пренесува Variety.
Сценариото за овој амбициозен проект го напиша Џон Логан, кој зад себе има три номинации за Оскар за неговата работа на филмовите Aviator, Gladiator и Hugo.
Филмот ќе го следи животот на картагинскиот генерал Ханибал, кој според многумина е еден од најголемите воени стратези на сите времиња. Главниот фокус на филмот ќе бидат неговите значајни битки за време на Втората пунска војна против Римската Република, кога Ханибал маршираше во Италија на грбот на воени слонови.
Под водство на Ханибал, Картагина извојувала неколку победи против Рим и контролирала голем дел од јужна Италија цели 15 години, додека Ханибал конечно не бил поразен во битката кај Зама во 202 година п.н.е.
Освен што глуми во филмот, Вашингтон ќе биде и продуцент, заедно со Ерик Олсен, Адам Голдворм и Фуква.
Фуква и Вашингтон неодамна работеа на третиот дел од The Righteous, кој излезе оваа година, а познатиот актер моментално работи на Gladiator 2, кој е во режија на Ридли Скот.
