Не постои еден универзален ген кој одредува дали луѓето се склони на депресија или не, но индивидуалниот генетски систем има големо влијание на тоа како еден човек ја доживува депресијата.
Еден од клучните фактори кои влијаат на депресијата е полот на личноста. Мажите и жените ја доживуваат депресијата различно, а тоа е предизвикано од нивниот генетски систем.
Кај мажите и жените на кои им е дијагностицирана депресија се забележуваат различни активности во гените, односно нивните гени реагираат на депресијата спротивно. Тоа беше докажано преку истражување кое доаѓа на раб до откритието дека депресијата треба различно да се третира кај мажи и жени.
Докторите кои работеа на истражувањето вршеа испитувања на 50 лица со депресија, од кои 26 беа мажи, а 24 од нив жени. Беше забележана нивната генска експресија, односно промените во неа. Кај мажите генската експресија беше намалена, што значи дека тие лачеа помалку протеин. Кај жените со депресија генската експресија беше поизразена, и тие лачеа многу поголеми количини протеин.
Ова истражување е битно поради две посебни причини. Првата е дека беа забележани различни активности кај мажите и жените со депресија, па затоа може да се докаже дека депресијата треба да се лекува во зависност од полот, односно различно за двата пола. Другата причина, можеби уште поважна, е дека тестирањата и медицинските истражувања треба да застапуваат пациенти од машки и женски пол, бидејќи болестите и заболувањата различно реагираат на генетскиот код.