Ќе уживате во овој вкусен и лесен рецепт за американски палачинки.
Се подготвуваат многу брзо, а се превкусни.
Состојки:
120 гр. брашно
Две лажици шеќер
Две лажички прашок за пециво
Малку сол
240 мл. млеко
Две лажици стопен путер
Едно јајце
Јаворов сируп, мед, крем или овошје по желба
Начин на подготовка:
Во помал сад измешајте брашно, шеќер, прашок за пециво и сол, па оставете го на страна.
Во сад со помала големина, промешајте млеко и путер, додајте го јајцето па изматете.
Додајте ги сувите состојки и измешајте.
Загрејте го тавчето на средна температура и намачкајте го со путер. Во загреаното тавче сипете две-три лажици од смесата и печете околу една минута, внимателно свртете ги палачинките и печете ги една до две минути и од другата страна.
Наредете ги палачинките на чинија и покријте ги со фолија за да не се изладат додека да ги испечете сите.
Прелијте ги со јаворов сируп, крем, со мед или додајте овошје по желба-боровници, банани.