Не постои некој кој не обожава мафини. Затоа, пробајте го овој вкусен десерт по рецептот на Мартина Трајаноска.
Потребни состојки:
3 јајца
150 гр чоколадо
125 гр путер
100 гр шеќер
150 гр брашно
15 гр какао
5 гр печиво
100 мл млеко
50-60 гр еурокрем
Начин на подготовка:
На пареа растопете чоколадо(100гр) со путер и млеко. Во еден сад измешајте ги јајцата со шеќерот, а во друг сувите состојки. Сите 3 смеси соединете ги заедно и додадете 50 гр сечкано чоколадо на коцки. Наполнете од смесата 1/3 од хартиените корпици за мафини поставени во плех за мафини. Додадете по 1/2 лажичка еурокрем или крем по желба, па дополнете ги корпиците до 2/3. Печете ги на 150-170 степени околу 10-15 минути.
