Овој рецепт за колач е многу едноставен и лесен за подготовка дури и за оние кои не се многу вешти во кујната.
-1 чаша брашно
-3 јајца
- ½ чаша шеќер
- ½ чаша какао
-1 чаша кисела павлака
- ½ чаша масло
- ½ вреќичка пециво
-1 ванилин шеќер
-100 г чоколадо
-50 г мелени печени бадеми за декорација (по желба)
Во сад измешајте ги сите суви состојки. Во друг сад ставете ги јајцата, маслото и киселата павлака, па измешајте со миксер додека состојките не се соединат.
Потоа додадете ги сувите состојки и мешајте полека со миксерот.
Калапот за печење намачкајте го со путер или масло и посипете брашно, па ставете ја смесата. Печете го колачот 35 минути во загреана рерна на 180 степени.
Кога колачот ќе се испече и олади, прелијте го со стопеното чоколадо. Кога чоколадото ќе се стегне, може да го декорирате со мелени бадеми или по ваш избор.