Пробајте го овој вкусен десерт по рецептот на Мартина Трајаноска.
Потребни состојки:
250 гр орео колачиња
250 мл млеко
250 мл хопла
250 гр чоколадо
1 печиво
Начин на подготовка:
Орео колачињата изблендирајте ги во сецко или блендер со млекото и печивото. Смесата префрлете ја во тава со хартија за печење бр.20 и печете ја 30 минути во загреана рерна на 200 степени.
Откако ќе ја испечете кората, оставете ја да се излади и пресечете ја на половина за да добиете 2 кори.
Во меѓувреме направете го филот. Растопете го чоколадото и измешајте го со хоплата. Оставете го во фрижидер додека да се излади кората, а потоа изматете го со миксер. Филувајте ја тортата и можете веднаш да ја послужите. Време на подготовка 50-60 минути.