Вкусен десерт со банани, чоколадо, бадеми и рум.
Потребни состојки за кората:
-5 јајца
-80 г шеќер
-50 г остро брашно
-17 г какао во прав
-1 прашок за пециво
Фил:
-5 јајца
-100 г шеќер
-150 г чоколадо
-1 ванилин шеќер
-200 г путер
-100 мелени бадеми
-2 лажички рум
И уште:
-половина килограм банани
-1 лажица сок од лимон
Начин на подготовка:
Јајцата изматете ги со шеќерот, додадете брашно измешано со прашокот за пециво и какаото, па мешајте.
Подготвената смеса ставете ја во плех обложен со хартија за печење и печете во рерна загреана на 170 степени до 20 минути. Печената кора, со хартијата за печење, виткајте ја како ролат и оставете да се олади.
За филот, јајцата, шеќерот и ванилин шеќерот изматете ги и гответе ги на пареа со постојано мешање, на крајот додадете го чоколадото и мешајте додека не се стопи.
Во оладениот крем додадете го изматениот путер, добро измешајте и на крајот додадете ги бадемите и румот.
Излупените банани испрскајте ги со сок од лимон, замотајте ја кората, тргнете ја хартијата за печење, премачкајте го поголемиот дел од кората и покрај работ наредете банани во еден ред. Кората повторно виткајте ја и однадвор измачкајте со останатиот фил.
