Подгответе ги американските палачинки по овој рецепт и во нив ќе ужива целото семејство.
Состојки:
1 јајце
Малку сол
1 банана
100 гр. чоколада
4 лажици прашок за пециво
55 гр. путер
¼ лажичка екстракт од ванила
180 гр. брашно
Малку кокосово брашно
375 мл. млеко
Начин на подготовка:
Ставете јајце, млеко, екстракт од ванила и истопен путер во сад со средна големина и изматете ги состојките за да се соединат.
Во друг сад ставете брашно, сол и прашок за пециво, па измешајте. Во таа смеса додајте ги изматените јајца со останатите состојки, па измешајте сè заедно.
Во тава истопете малку путер, па ставете од смесата и пржете две до три минути додека да се појават меурчиња. Свртете ја палачинката и пржете ја и од другата страна околу една минута.
Палачинките се редат една врз друга, па одозгора се става омилениот прелив- овошје, чоколада, кокос или јаворов сируп.