Направете вкусен колач со кикирики и чоколадо и изненадете ги најмилите.
Потребни состојки:
-130 г кокосово брашно
-80 г путер од кикирики
-80 г несолени кикирики
-50 г какао
-4 лажици мед
-1 лажица вода
Фил:
-200 г путер од кикирики
-70 путер
-70 г мед
-малку сол
Глазура
-100 г темно чоколадо
-1 лажица путер од кикирики
-1 лажица путер
-1 лажица мед
Подготовка:
Ставете ги сите состојки за основата во блендер и миксајте додека не добиете густа и леплива смеса. Во плиток правоаголен сад ставете ја добиената смеса и добро втиснете. Потоа ставете го садот во фрижидер да се олади.
Во друг сад ставете ги состојките за фил и мешајте додека не добиете глатка смеса. Готовиот фил ставете го врз оладената основа, па сè заедно вратете во фрижидер, да постои еден час.
За тоа време подгответе ја глазурата. Во сад ставете ги путерот, чоколадото и медот, па растопете ги на умерена температура. Кога состојките ќе се стопат, додадете лажица путер од кикирики и сè добро измешајте, па прелијте го оладениот колач.
Повторно вратете го во фрижидер, до сервирањето.