Подгответе вкусен и едноставен десерт во три бои.
Состојки:
300 грама кајсии
2 пакетчиња ванилин шеќер
150 мл вода
50 грама шеќер
1 лажичка густин
1 пудинг од чоколада
300 мл млеко
200 грама кисела павлака
200 мл слатка павлака
2 лажички мед
Подготовка:
Кајсиите исчистете ги од семките и исецкајте ги на коцки, ставете ги во тенџере на оган и додадете ги ванилиниот шеќер, водата и шеќерот. Оставете смесата да се вари околу 5 минути. Во сад измешајте една лажица густин со малку вода и ставете го во тенџерето да се вари, измешајте и по неколку минути смесата тргнете ја од оган, за добро да се излади.
Чоколаден фил: Пудингот од чоколада подгответе го на вообичаен начин и ставете го на дното од чашата во која ќе го послужите десертот.
Бел фил: Слатката павлака изматете ја со миксер, па потоа додадете ја киселата павлака и медот и матете додека сместа не ја добие потребната густина. Белиот фил ставете го врз црниот фил во чашата, на крај ставете го и изладениот фил од кајсии и декорирајте.
