Село со 10.000 жители во близина на Ханој е првото место во Виетнам ставено во карантин поради страв од ширење на корона вирусот, познат како KOVID-19.
Откако на тоа место, околу 40 километри северозападно од Ханој, се потврдени 6 случаи на заразени, одреден е карантин во траење од 20 дена. Ова е прв масовен карантин надвор од Кина поради вирусот.
„Блокирани сме во местото и работиме на оризовите полиња и во градините“, вели еден од жителите на Сон Лои, кој додава дека тоа сигурно ќе влијае на голем број жители кои работат надвор од селото.
Според него, една жена го заразила семејството и соседите. Во Виетнам досега се заразени 16 луѓе со вирусот, вклучително и оние заболените во Сон Лои, пренесува Bangkok Post.