Четврта година по ред аеродромот Changi во Сингапур ја освојува наградата за најдобар аеродром во светот на годишното натпреварување SkyTrax World Airport, пренесува CNN.
Според мислењето на неколку милиони гласачи одбрани се најдобрите аеродроми во светот за 2016 година. Многумина кои минале низ аеродромот во Сингапур се воодушевени од иновациите во објектот.
„Да се биде именуван за најдобар аеродром во светот четврта година по ред е значајно достигнување за аеродромот Чанги. Ќе продолжиме да се грижиме за потребите на нашите патници. Ова признание не го примаме здраво за готово, за успехот се заслужни сите што секојдневно вложуваат напор“, вели Ли Сеов Хианг, директор на аеродромот.
Според мислењето и искуството на патниците, ова се десетте најдобри аеродроми во светот:
1. Аеродромот Changi во Сингапур
2. Меѓународниот аеродром Incheon во Јужна Кореја
3.Аеродромот Munich во Германија
4. Меѓународниот аеродром Haneda во Токио
5. Меѓународниот аеродром Hong Kong
6. Меѓународниот аеродром Chubu Centrair во Нагоја, Јапонија
7. Аеродромот Zurich во Швајцарија
8. Аеродромот Heathrow
9. Меѓународниот аеродром Kansai во Осака, Јапонија
10. Меѓународниот аеродром Hamad во Доха, Катар.
