Селекторот на француската фудбалска репрезентација Дидје Дешан не го повика Килјан Мбапе (25) за натпреварите со Израел (14 ноември) и Италија (17 ноември) во групата 2 од највисокото ниво на Лигата на нации.
Да потсетиме, капитенот и најголемата ѕвезда на Франција го немаше во составот на последните два репрезентативни натпревари со Израел и Белгија одиграни во октомври. Објаснувањето тогаш беше дека тој е ставен на располагање на Реал Мадрид да ја санира повредата на левото бедро.
Во шведските медиуми тогаш се појави приказна дека локалната полиција покренала истрага за силувањето во хотелот во Стокхолм, каде Мбапе поминал две ноќи со своите пријатели. Немаше индикации дека фудбалерот е вмешан и веста ја нарече лажна.
„Разговарав со Килјан и донесов одлука. Подобро е вака... Мбапе сакаше да дојде“, изјави Дешан на прес-конференцијата, но не спомена дали се работи за повреда на напаѓачот на Реал.
Да потсетиме, Мбапе летово го напушти ПСЖ и потпиша за мадридскиот клуб. Досега на него има одиграно 15 натпревари, на кои постигна осум и асистираше на два гола.
