Министерката за образование Рената Дескоска најави ревизија на учебниците на сите нивоа и дека секоја содржина за која ќе се потврди дека е погрешна или поттикнува говор на омраза ќе биде отстранета од учебниците. Освен учебниците, Дескоска најави разгледување и на лектирите, за што примила и барање од Здружението на писатели.
Со ова прашање, како што рече таа, ќе се занимаваат експерти и комисии.
„Ревизијата на сите учебници ќе биде дел од еден процес којшто ќе биде дебитиран на експертско ниво. Во министерството имам добиено претставка од народниот правобранител за учебник кој е за граѓанско образование, односно учебник по општество кој содржи дискриминаторски одредби. Со оглед на тоа што јавноста честопати беше соочена со примери на учебници во кои имаме погрешни констатации, каде што има говор на омраза, каде што има дискриминаторски ставови, предрасуди сите учебници ќе бидат отворени во процес на ревизија во целокупното образование со цел да се отстранат грешките од учебниците од кои учениците учат“, рече министерката Десковска.