Веста дека експерименталната вакцина против коронавирусот што ја развива Универзитетот Оксфорд е безбедна и дека го активира имунолошкиот систем, денеска го обиколи светот.
Вакцината против COVID-19 што е во фаза на развој ќе штити од коронавирусот околу една година, соопшти пред еден месец британско-шведската фармацевтска компанија AstraZeneca која ја испитува вакцината заедно до научници од Универзитетот Оксфорд.
Ако продолжат добрите вести за успешноста на вакцината, ќе бидат произведени 2 милијарди дози, објави Sky News.
„Сметаме дека вакцината ќе може да заштитува околу една година. Ако сѐ помине како што треба, би имале резултати во август или септември, а веќе во октомври вакцината би можело да се најде на пазарот“, рече тогаш извршниот директор на AstraZeneca, Паскал Сорио.
Тестирањето во кое учествуваат 1.077 луѓе и кое е влезено во третата фаза, покажа дека вакцината произведува антитела и бели крвни зрнца кои можат да се борат против коронавирусот. Резултатите засега ветуваат многу, но уште е премногу рано за да се каже дали е тоа доволно за заштита од коронавирусот.
Вакцината наречена ChAdOx1 nCoV-19 се развива неверојатно брзо. Направена е од вирус кој инаку предизвикува настинка кај шимпанза. Вирусот е изменет и не може да предизвика зараза кај луѓето, така што повеќе личи на коронавирусот. Тоа значи дека вакцината наликува на коронавирусот и имунолошкиот систем може да научи како да го нападне.