23-месечно дете во Канада починало откако било оставено во автомобил на сонце, објавија канадските медиуми.
Канадскиот градоначалник на Банкрофт, Пол Џенкинс, го потврди идентитетот на момчето. Станува збор за 23-месечниот Еверет Смит кој починал минатиот четврток откако бил оставен во автомобил пред гимназијата каде неговата мајка работи како професорка.
Според градоначалникот, мајката имала намера да го остави синот во градинка пред да оди на работа минатиот четврток. Џенкинс вели дека никој не забележал дека Еверет сè уште бил во автомобилот паркиран на училишниот паркинг на Мок Роуд, сè до крајот на училишниот ден, околу 15:45 часот.
Поголемиот дел од јужниот дел на Онтарио беше под предупредување за топлотен бран тој ден, со температури до 30°C. Максималната температура забележана тој ден во Банкрофт била 27,1 Целзиусов степен. Момчето со возило на Брза помош било пренесено во болница и набрзо била констатирана смрт.
Продолжете да читате: Возилото е жешка рерна на овие температури - никако не ги оставајте децата во автомобилот