Деца од целиот свет учествуваа во дизајнирање на насловната страница на Vogue Italia за месец јуни.
Со молив в рака, група деца на возраст од 2 до 10 години од целиот свет се дизајнерите на овомесечното издание на Vogue Italia. Нормално, списанието може да има само една насловна страница, но затоа онлајн изданието може да има повеќе.
Децата ги цртаа своите верзии на сезонската облека Métiers d’Art од 2019/20 на Chanel која во декември продефилира во Гран Пале во Париз.
Така, помеѓу бајки, принцези, разнобојни инсекти, добри господари и измислени другарчиња, овој број на Vogue Italia е посветен на децата, на новиот свет кој полека полека се оформува како што завршува локдаунот. Што ќе остане од месеците поминати во конфузија и страв? Каков облик (и зошто да не, каква облека) ќе имаат нивните соништа?
Томас (4 г.), Њујорк (САД)
Нори (5 г.), Амстердам (Холандија)
Таѕио (6 г.), Париз, (Франција)
Камила (2 г.), Дакар (Сенегал)
Џорџо (10 г.), Парма (Италија)
Пјетро (6 г.) Милано (Италија)
Ракеле (5 г.), Болоња (Италија)
Виолета (5 г.), Милано (Италија)
