Во верижен судир на три возила што вчера попладне се случил на патот Гостивар – Кичево повредени се девет лица од кои едно се здобило со посериони повреди, информораат од СВР Тетово.
Во сообраќајката учествувале три автомобили со гостиварски регистарски ознаки односно возило „киа“ управувано до Т.А. (59), „голф“ управуван од Ф.О. (34) и „лупо“ управувано од З.М. (58), сите тројца од Гостивар.
Според информациите, со тешки телесни повреди, се здобил З.М., додека возачот на возилото „киа“ и уште седум сопатници од трите автомобили се здобиле со телесни повреди.
Повредените биле префрлени во болница во Гостивар од каде по укажаната лекарска помош биле пуштени на домашно лекување.
Според информациите од СВР Тетово, причина за несреќата било неприлагоденото растојание меѓу возилата, а вкупната материјална штета се проценува на над 300 илјади денари.
