Девојче загина при удар на автомобил во пицерија, во департманот Сена и Марна во регионот на Париз.
Според француските медиуми, во инцидентот се повредени уште најмалку 13 лица, од кои пет се во критична состојба, меѓу нив и тригодишно момче што е на интензивна нега.
Возачот, кој според француската полиција, го извел нападот со умисла, влетал во отворената тераса на пицеријата каде девојчето било на вечера со семејството, а потоа се обидел да го врати возилото во рикверц.
Француските медиуми објавија дека мажот, кој веднаш бил уапсен, во полиција рекол дека сакал да се самоубие и тврдел дека има неколку оружја во автомобилот.
Полицијата рече дека неговите изјави биле „конфузни“ и дека човекот (роден 1985 година) не им бил познат на полицијата и службите за безбедност од претходно.
Има многу малку сомнеж дека нападот бил намерен и дека возачот е „психички нестабилен“, рече портпаролот на француското Министерство за внатрешни работи.
