По земјотресот, Мексико го зафати национална драма поради спасувањето на девојчето Фрида Софија, за која се мислеше дека се наоѓа во урнатините на училиштето, но според информациите, девојчето воопшто не ни постоело.
Тврдењето дека под урнатините на училиштето, ја нема Фрида Софија, го изнесле претставници од мексиканската морнарица.
„Немаме никакви сознанија за извештај во кој се споменува името на девојчето. Никогаш не сме имале сознанија за такво нешто“ соопштил потсекретарот на мексиканската морнарица, Анхел Енрике Сармјенто, пренесе АП.
Медиумите, властите и волонтерските спасувачи упорно ја повторувале приказната за Фрида, девојчето кое наводно било заробено под урнатините. Според претходните информации, таа мрдала со прстите, на спасувачи им го кажала своето име и дека покрај неа има и други заробени во урнатините од училиштето.
Сармјенто изјавил дека камерата спуштена во урнатините, каде се најдени крвави траги од лице, кое наводно успеало да се извлече. Според списокот на исчезнати, единствено лице по кое трага, е лице кое било вработено во училиштето.
Мексиканските власти соопштија дека досега загинале 286 луѓе.