26-годишната Џулија Монако од Мелбурн била на шопинг со пријателка во моментот кога комбето удрило во пешаци во Барселона. Ова е трет терористички напад што девојката го преживеала откако отпатувала од Австралија пред 3 месеци.
„Одеднаш останавме заклучени во продавницата, меѓу луѓето се појави паника. Почнаа да трчаат кон крајот на продавницата каде ни рекоа да легнеме на под и подалеку од прозорците. Полицијата нè изнесе од задниот излез додека децата плачеа“, раскажува таа.
Џулија била во Лондон за време на нападот на Лондонскиот мост, како и во Париз при нападот на катедралата Нотр Дам.
„Сите сме потресени, но сепак не сакам да си одам дома. Сакам да патувам низ светот и не сакам да им дозволам на терористите да победат“, вели таа.
