Едно најново истражување покажа дека секоја четврта жена се плаши да влезе во теретана, па затоа не оди во теретана дури и кога веќе платила членарина.
Секое заминување во теретана за жените е застрашувачко затоа што постои можност да бидат предмет на потсмев.
Скоро половина од жените кои учествувале во анкетата спроведена во Велика Британија изјавиле дека најмалку еднаш се почувствувале така кога биле во теретана.
Девојките на возраст меѓу 18 и 24 години најмногу се плашат дека другите луѓе во теретаната ќе им се потсмеваат за тоа како изгледаат и како вежбаат, пренесува Metro.
Во анкетата која ја спроведе компанијата Sure Women учествувале 2.000 жени. Дури 37% од нив се плашат дека не се доволно фит за да одат во теретана, a 28 проценти се плашат дека не се привлечни додека вежбаат.
Секоја трета испитаничка се плаши дека некој ќе ѝ се смее доколку не вежба правилно.
Поголемиот број од анкетираните се откажале од вежбањето и останале дома, избегнувајќи било каков вид на физичка активност, што има општи последици по нивното здравје.
Најчести причини поради кои жените не одат во теретана се: немаат пари за членарина, вежбањето им изгледа застрашувачко, страв им е дека нема да се вклопат и загрижени се што мислат другите луѓе.
Меѓу најчестите изговори се: „не знам да вежбам на справи“, „се плашам дека премногу ќе се испотам“, „не сум во добра форма за да вежбам пред други“ и „не изгледам убаво во спортска облека“.