Организаторите на Prilep Jazz Weekend ја објавија програмата за деветтото издание по ред на овој музички фестивал.
Настанот ќе се одржи во стандардниот термин за џез во Прилеп, 27-29 август, на летната сцена од ЦК Марко Цепенков.
Оваа година фестивалот за прв пат е поддржан од Министерството за култура.
Имајќи ја предвид актуелната ситуација со пандемијата на COVID-19, фестивалот ќе се одржи согласно актуелните Протоколи за начинот и условите за организирање на настани.
„За жал, бројот на посетители оваа година ќе биде ограничен и според квадратурата на местото каде се одржува фестивалот концертите ќе можат да ги посетат 100 луѓе во една вечер. Бидејќи протоколите за вакви настани налагаат програмата да се проследи со седење, за секој посетител ќе биде обезбедено место“, најавија организаторите.
Влезници по симболична цена од 100 денари ќе можат да се набават во City tobacco.1 во Старата прилепска чаршија.
Програма за фестивалот:
Четврток 27.08.2020
Промоција на книга Press&Play од Ненад Георгиевски
Проекција на филм
JAZZMAN – The form as a verb
Концерт на SkopjeJazzInc.
Петок 28.08.2020
Next To Silence
Svetlost
Сабота 29.08.2020
Oliver Josifovski Quartet
Barnays Propaganda