Најмалку 800 луѓе починале низ целиот свет поради дезинформации поврзани со коронавирусот во првите три месеци од оваа година, тврдат научници.
Според студија објавена во Американскиот журнал за тропска медицина и хигиена, околу 5.800 луѓе биле примени во болница како последица на лажни информации на социјални медиуми.
BBC објави дека многумина починале затоа што пиеле метанол или алкохолни средства за чистење. Тие погрешно верувале дека овие производи се лек за вирусот.
Светската здравствена организација (СЗО) претходно објави дека „инфодемијата“ околу COVID-19 се шири толку брзо како и самиот вирус, а теориите на заговор, гласини и културна стигма придонесуваат за смрт и повреди.
Многу од жртвите следеа совети кои потсетуваат на веродостојни медицински информации – како што се јадење голема количина лук или голтање големи количини на витамини – како начин да се спречи инфекцијата, велат авторите на студијата.
Други пиеле супстанции како што е кравја урина. Сите тие дејства имаа „потенцијално сериозни последици“ за нивното здравје, велат научниците.
Светската здравствена организација вчера апелираше до младите луѓе да помогнат во борбата со инфодемијата со тоа што ќе го спречат ширењето на лажни вести на социјалните мрежи и ќе им помогнат на постарите да ја сфатат пандемијата и попаметно да ја користат технологијата.